سؤال عجزت عن اجابته......و لكن
كل انسان ناجح....عارف هو عايز ايه ...نفسه يكون ايه.......عايز يطلع زي مين
ايه...... انت قلت ايه؟؟؟؟؟........آخر حاجه قلتها ايه؟
هو انا قلت حاجه غلط لا سامح الله ولا حاجه
آآآآآآآآآآآآآآه نفسه يطلع زي مين....القدوه يعني
مممممم......القدوه هو حد كويس انا عايز اكون زيه.......صح؟
تصدقني ان انا لحد دلوقتي مش لاقي قدوتي؟
ايوه مش لاقي قدوتي ..............بس في حاجه كمان ...انا متعمد ملاقيهاش اصلاً
م الآخر مش عايز قدوه م البشر
هافهمك كل حاجه بالتفصيل
انا متعود دايما افكر بطريقه جديده...ماشي؟
هو مين اللي اخترع موضوع القدوه ده؟
مين اللي حط التعريف بتاعه؟
مين اللي قال انه لازم يكون شخص حي أو كان شخص حقيقي كان موجود؟
أكيد كانت وجهة نظر.....حتى لو الكرة الأرضيه كلها اجمعت عليها
ف الآخر هي ايه......كانت فكره او اقتراح و بني عليها بالاجماع......صح ؟
طب مش اللي عمل التعريف ده ....بشر انسان زينا؟
آه
طيب يعني انا كمان ممكن اقول رأيي ف الموضوع ده
و أنا شايف ان ممكن مايكونش قدوتنا ده من البشر اساساً
ليه يكون قدوتنا حد بيغلط....يعني اكيد فيه نقص
يعني اكيد مش كامل الأوصاف .....أكيد مش بيعمل كل حاجه صح
اكيد عنده نقطه بيضعف عندها....و كلنا كده "قبل ما تقول اي حاجه" أنا عارف كويس
ليه مانفكرش ف موضوع القدوه ده من ناحيه تانيه....من زاويه مختلفه....من وجهة نظر جديده
و ليا الحق ف كده
أنا عن نفسي اقتدي بالمثاليه...أقتدي بالكمال
أيوه أنا شايف ان كلمه قدوه دي حاجه كبيره قوي....و أحيانا تكون كبيره على بشر باستثناء الرسل و الأنبياء
جرب كده تكون قدوتك كل حاجه كامله.....مفيهاش اي نقص ولا عيب...ولا سلبيه
ممكن...بنفع.....و ليه لأ......ليه مفكرناش كده
ليه ماتحطش قدوتك 100% بالتمام و الكمال
انا عن نفسي قدوتي المثاليه
النقطه التانيه...من اللي هيبقى في المثاليه دي؟؟؟
بصراحه؟
أنا
أنا قدوتي......هو أنا
هتقول انت مجنون رسمي
هاقولك انا عاقل رسمي....بص يا سيدي ......بصي يا سيدتي
أنا شايف نفسي في المستقبل أحسن واحد ف الدنيا......مش سوبر مان يعني ولا حاجه
مش احنا اتعودنا على انك لما تعوز تكون حاجه....اعمل حدود فوقها....علشان لو نقصت تلاقي نفسك في المكان اللي انت كنت عايزه؟
طبق الكلام ده كده في مسأله القدوه.... و جاوبني انت بنفسك
....
....
عرفت بقى....عمرك ما هتبقى أحسن واحد في الدنيا.....لكن كل ما طموحك يزيد....كل ما اللي انت بتوصل له يزيد؟
طيب ماتخلي طموحك اعلى ما يمكن ...علشان توصل لاكبر ما يمكن؟
اكيد دلوقتي فهمتني....صح؟
انا بقى شايف نفسي ف المستقبل حاجه كبيره قوي...و ها جري وراها و هاحاول احقق اللي اقدر عليه على قدر الامكان
و مش كله...بس اكيد هيكون اكبر من لو كانت قدوتي حد زيي زيه
ايه رأيك لما تكون قدوتك كل حاجه صح.....و كل نجاح....و كل نجوميه
دي حتى هتحفزك أكتر يا شيخ
مممممممممم
ممكن أسأل دلوقتي سؤال................انت قدوتك مين؟
7 comments:
enta sh7'sya gmda gdn gdn,awl mra 7ad ylfet nazry llmwdo3 da,sa7 madam nfsna nb2a kwysen leh dymn nbos l bashar zyna,dama3'ak 7lwa awy y m7mod bgd w ana mot2keda enk htb2a 7ad kwys gdn gn f elmost2bal isa,w isa te2dar te2arb mn elkmal w elnga7.
mwdo3ak to7fa bt3gbny awy awy afkark w klamk by7afzny awy.
w b3d m2ret klamk ana qodwty elmalayka 3shan msh by3'lato 3omrhm w tyben w sfyen.
go ahead :)
اشكرك جزيل الشكر على كلامك الجميل ده
التعليقات دي هي اللي بتهزني فعلاً
و بالنسبه لموضوع ان قدوتك الملايكه....مش عارف اقول ايه
بس من الافضل اننا نخلي قدامنا قدوه لو مكناش شايفنها على الأقل نبقى حاسينها و بالتالي هنقدر نجري وراها
فبقول من الأفضل نخلينا شويه على الكرة الارضيه و نحاول الاول ف الفكرة الجديده دي علشان مانفتحش الباب لحوارات و مناقشات احنا كنا السبب فيها
صح؟؟
يا عم محمود الله يهديك...
طبعا كلامك جميل و كالعادة بتطلع أفكار جديدة مثيرة ...... لكن..
يا محمود القدوة هي الشخصية اللي طريقها صح علطول..و اللي اذا مشيت وراها و سلكت منهجها تصل الى النجاح و السعادة,
و زي ما قولتلك احنا ماشيين في حياتنا في طريقين.. دنيوي .. و أخروي..
فإذا كانت نفسك هتوصلك للنجاح في الدنيا ..فهل انت متأكد انها هتوصلك للنجاح و السعادة في الاخرة!!
لا اظنها كذلك بغير قدوة..بردو
قدوتك و قدوتي و قدوة كل مسلم
هو رسول الله - صلى الله عليه و سلم - .
سواء في الدنيا او الاخرة,لان هو اللي ربنا بعته عشان يعرفك تعيش دنيتك ازاي بما يرضي الله..و بالتالي تفوز في اخرتك..طبعا هتقول النبي مكنش صيدلي و لا كان مهندس...
ارد عليك و اقولك عيب يا محمود مش انت اللي يقول الكلام ده..النبي صحيح مكنش دول , بالعكس كان امي (لا يقرأ ولا يكتب) لكن عرفك الصيدلي الناجح يبقى ازاي..و المهندس الناجح يبقى ازاي.اتمنى تكون فهمتني و لو عندك اي استفسار اهلا و سهلا.
سلام.
جدع ياد يا محمود
هو ده التفكير الايجابي السليم
اخويا وروح قلبي....محمود عبد الله
انا كان فعلاً نفسي اقول ان قدوتنا يكون النبي بجد و بصراحه
لكن انا حبيت افكر ف الموضوع من ناحيه تانيه خالص...من وجهة نظر جديده
اعتقد ان انت مش فاهم وجهة نظري كويس
انا عايز اغير الموضوع 180 درجه
عايز حاجه جديده...حاجه محدش يتوقعها
و على فكره... فكر كويس فيها ...هتوصلك للدنيا و الآخره......اكيد هاتفهمها، بس طبقها صح
حبيب روحي مصطفى فتحي
من كلمه ونص بتعطيني دفعه للأمام لأيام
ربنا يوفقني و اكون دايما عند حسن ظنك و ظن الجميع
و دايما خليني اسمع كلامك الحلو اللي بيحرك الجبل ده
بحبك
موضوع جامد جدا يا محمود
واسلوبك رائع وجذاب بسم الله ماشاء الله عليك
الطريف ف الموضوع كمان انك قلت اللى ف دماغي بالنسبة للموضوع ده
مش عايزين ننافس بعض كده ههههههههه
Post a Comment