بحب الحياه بحب الناس - محمود سعودي
كل سنه و انتو طيبين يا بني آدمين
كل سنه و انا بحبكم اوي اوي اوي
كل سنه و دايماً احلامنا بنحقهها
كل سنه و احنا عايشين في سعاده
و ايجابيه
موضوع المره دي غير اي موضوع
هي فكرتي على العموم..ان آخر موضوع يتعمل في المدونه في العام ده يكون صوره
سواء اجمل صوره انت شقتها او صورتها
و دي من اجمل الصور اللي انا صورتها لطفل في السعوديه
-001.jpg)
الحقيقه..انا لما دققت في الصوره...بعد لما صورتها بكتير..لقيت فيها معاني
شايفين في ظهر الطفل...اتنين كبار...منهم من شاب شعره....و هو بالتأكيد مستقبل الطفل ده بعد سنوات
لكن الطفل اعطى ظهره لهذا المستقبل....و ابتسم الى الكاميرا
وكأن لسان حاله يقول
بحب الحياه...هاستمتع بيها....لحظه بلحظه
انا كمان بحب الحياه و بحب الناس و بموت فيهم
يا ريت كلنا نعيش لحظتنا و نركز فيها بس
وما نحملش هم بكره..طالما لسه في النهارده
يا رب يكون الموضوع عجبكم
و يا ريت اي حد عنده مدونه...يشارك معايا..وكأنها حمله
كل سنه و انتم طيبين..و ان شاء الله العام الجديد..يكون في ظهور أحسن ليا على المدونه
كلام عن شخصيات غير متوقعه
كلام كبير
كلام في الحب و الرومانسيه
خليك طبيب نفسك
انتظروني...قريباً
بحبكم...بحبكم اوي
باي باي 2007
21.jpg){kind=link}
12 comments:
و انت طيب يا دكتور و ربنا يحميك و يساعدك و يوفقك لما فيه رضاه
معاك يا مان بس مش عارف الصورة هتبقي ايه هبقي افكر وابقي اعمل بوست بكدا قبل ما السنة الجديدة تبدأ
كل سنة وانت طيب وبتحب الحياة والناس وهما كمان بيحبوك
تحياتى كتير
تشي
لا يا شيخ ايمن
كدة اغير
مش عايزك تعلق عند اي حد غير ابنك حبيبك
اه
كل سنة وانت طيب يا حودة
خالو ايمن...اسمح لي اقول لك خالو ايمن انا كمان
و الله العظيم مش عارف اوصف لك اد ايه انا فرحان ان حضرتك هنا في المدونه
كل سنه و حضرتك بخير و بتحبني...و تحب مصطفى اكتر و اكتر
انا احسن منك اهو يا دروشتي
che
كل سنه و انا بحبك
مصطفى فتحي
هيعلق يا مصطفى ان شاء الله
و كل سنه و انت طيب و من قلبي قريب و السنه دي معايا و اللي جاي ويايا
بحبكم كلللللكم...بحبكم موووووووووووووووت
محمود باشا
جيت بس اسلم واقولك كل امتحانات وانت طيب
ومبروك ع العدد الجديد من كلمتنا وع الموضوع الجامد بتاعك
مستني جديدك دايما
تشي
:(
2007 ودعتنا بامتحان اورجنيك ما يعلم بيه الا ربنا
وتقريبا هناخد الماده معانا السنه الى بعدها
و2008 استقبلناها بامتحان اورجانيك اورال
كانوا يومين اصعب من بعض
بس بردو كل سنه وانت طيب :(
كل سنة وانت طيب متأخرة شوية بس من القلب بجد و يا رب يكون عام كله حب و سعاده وتحقيق أمنيات جميلة بحياة هادئة مفعمة بالحيوية والنشاط
الصورة جميلة بجد و تحليلك ليها بيطلعلنا الفيلسوف اللي جواك
جانب متألق من شخصيتك
و منتظرين منك دايما كل جميل
che
ربنا يخليك يا حبيبي
و يا رب دايما اكون عند حسن ظن كل القراء
Loza
:'(
انا بقا شفت امتحان فايتو...ماجبتهووش ولاده
الامتحان اخر سؤال فيه ولا لعبة سودوكو
كان ناقص يقول لنا اكتب هنا تاريخ ميلادك...و تعرف على مستقبلك الاسود في لجنه الاورال...الشفوي يعني هههه
والله احنا اللي جبناه لنفسنا
كل سنه و انت طيبه
احمد ليثي
حبيب قلبي..و الله واحشني جدا جدا و كل سنه و انت اطيب واحد ف الناس
و ماتتقلش قوي كده يا دكتور
بحبكم
اولا اسمحلى اقولك ان تفسيرك وتحليلك للصورة عجبنى جداااااا
ثانيا كل سنه وانت طيب مع انها متاخرة
بس الامتحانات بقى
ربنا يوفق الكل فى امتحاناته
ضي القمر
كلام زي القمر :)
فعلا قد ايه ديه صوره معبره للزمن الطفل الشاب ثم ينتهي به المطاف الي الشيب فبتسمه هذا الطفل بتقولنا فعلا حبوا الحياه علشان توصل للشباب وانت متفائل وفي نهايه المطاف تكون مرتاح النفس
فعلا صوره جميله تسلم ايدك يادكتور
مع تحيات اخوك
الامــــ اليائس ـــــل
الامـــ اليائس ـــل
مرسي كتير على ذوقك
بس احب اضيف لحضرتك حاجه
انا معنديش اخوات بالاسم ده
ولا هيبقى عندي و لا هيكون
ههههههههه
معلش اخوك ايجابي اخر حاجه
بحبك
Post a Comment