تصوير- محمود سعوديبحب الحياه بحب الناس - محمود سعودي
من كام يوم..كنت عند انين الناي...كانت كاتبه موضوع ولا اروع
موضوع رجعني لورا ييجي 15سنه...عن مصر
افتكرت لما كنت صغير و لسه طفل....لما كنت بقضي معظم وقتي في بيت جدي و جدتي
يااااه ايام متتعوضش ..حبيت اوي اتفرج على الناس ساعتها
الست اللي لسه صاحيه من النجمه ورايحه تجيب الفطار لعيالها
الراجل اللي خرج من بيته ولسه النوم باين على وشه
واللي واخد ولاده معاه ورايح يوديهم المدرسه
و الاطفال الصغيرين اللي رايحين الكتاب
مش ممكن...فين ايام لما كنت باقعد على باب الحاره واتفرج على اللي ماشيين في الشارع
فين ايام اما كنت باشرب الشاي مع جدتي في كوبايه واحده
فين ايام لما كنت باطلع معاها فوق السطوح ونأكل الفراخ و البط
فين ايام لما كنت بالعب مع ولاد الحاره بالشورت و الصندل و ابهدل هدومي
فين لما كنا كلنا بنتجمع في بيت العيله والعب انا وقرايبي على السلم و في الحاره
ولما نتجمع في رمضان في عمايل الكحك و البسكويت
فين لما كنت باروح الصبح بدري والحق جدي وهو بيفطر وافطر معاه
واشوفو وهو بيقرا الجرنان وبيقول حاجهت تضحكني
الله يرحمك يا جدو...انا بحبك اوي
وبعدين جدو ينزل الورشه بتاعتو تحت البيت..وانا اقف في البلكونه
اتفرج عليه و على الناس اللي معاه وعلى الناس اللي في الشارع
يااااااااااااااه....هي ليه لايام مينفعش ترجع لورا
انا نفسي اكون طفل من جديد
طفل لابس شورت و صندل...بيلعب في الحاره
مش حامل هم حاجه...فرحان انه في حاره من حواري مصر
جمهوريه مصر..التلقائيه ، اللي الناس كانوا فيها تلقائيين
ماشي في الشارع زي ماهو في البيت
وحشتيني يا مصر
يا مصر يا اصيله
18 comments:
حودة
يا فخر مصر انك من ولادها
والله وبدون مجامله
بجد انت واحد من احسن الناس اللى شوفتهم فى حياتى
ربنا يزيدك كتير وكتييييييييييييير
وتكون احسن حد فى الدنيا
بحبك
تشي
بصراحة مش عايز اكون متشائم
بس الوضع الحالى بيمسح الكلام اللى انته قولنه باستيكة ومستوردة كمان
فاهم ازاى
بس كانت اكيد ذكريات حلوة ليك وكل واحد مننا شايل حاجات كتيرة زيها جواه بس اكيد اتمسحت
ur friend
islam rayyan
دكتور دينتيست
اسمحلي بعد اذن محمود طبعا بس اقولك حاجة
لو كل واحد فينا جواه ذكريات من دي يبقي لازم نبعثها تاني حقيقة ونخلي الوضع الحالى زيها واكتر
الوضع الحالي مش هيتغير غير بإيدينا احنا وبس مش لما نقف نرمي عليه كل اللى بيحصل
انا يمكن اكون على طول مخنوق ومضايق ومكتئب لكن متشائم لأ ومصر هتكون دايما احسن
بيا وبيك وبمحمود وبينا كلنا
تشي
ده موضوع حلو يا محمود
بسيط
تلقائي
وفي العمق
2rga3 ya 3am weseeb 2l donyia kolaha tlama wa7shaaak
bs kalam gamd
البوست ده جامد اوى يامحمود بجد بجد بقى ولا فى اروع من كده وانت اللى كل كلامك تلقائى وجميل
بجد انا كنت مبسوطة اوى وانا بقرا البوست ده وعلى فكرة تصويرك جامد
بجد موضوع اصيل
تحياتى ليك ياافندم
مهما علمت فينا
بنحبها و بنعش ترابها و بنبح ذكرياتنا الى فيها
مبنقدرش نبعد عنها
انا كمان يا محمود شفت بوست روفى و رجعتنى بذكريات جميله قوى
يا رب ترجعى يا مصر زى ما كنتى
يا تبقى احسن من الاول كمان
يا رب
تحياتى
عارف .. مش عارفه أقول أيه
بس كان فى بيت شعر بيقول "الصمت في حرم الجمال جمال..لأن الحروف تموت حين تقال "
جمال البوست ده في كمية تلقائيته واللي أضفت له سحر جمييييل .. وأنا هنا لا أملك إلا الصمت .. بس أنت عارف البوست ده حرك فيا ذكريات اد ايه كنت فاكره إني نسيتها من زمان
يااااااااه
فكرتنى بأيام الطفولة لما كان بابا يبعتنى أجيبله حاجة فألبس الشبشب وأنزل بهدوم البيت جرى على السلم أجيبله الحاجة واخنصر من الباقى واجيب بيه حاجة حلوة
بس تعرف لازم الواحد يحتفظ بجزء من طفولته جواه عشان يقدر يكمل حياته بتلقائية وأمل الاطفال
ودى حاجة حاسيتها فيك على فكرة يا ريت تحافظ عليها
هههههههههههه
تالت تعليق ليا على نفس الموضوع
معلش بقي اسمحلي يا حودة باشا
التعليق المرة دي على كلام نيرة
كاتبه بيت شعر لنزار غلط
ياااااااللهووووول
انت جيبتي شطرين من بيتين
البيتين بيقولوا
فإذا وقفت أمام حسنك صامتا ::: فالصمت فى حرم الجمال جمال
كلماتنا فى الحب تقتل حبنا ::: إن الحروف تموت حين تقال
بس كدا
خالص تحياتى
تشي
سعودى معلش هرد علي تشي
أنا عارفه إنى جايبه شطرين من بيتين مختلفين
وحياة ربنا عارفه
بس أنا جبت الشطرين المناسبين لحالتى مع بوست سعودى وحاطه ما بينهم نقط علي اساس ان المفترض فى كلام ف النص أنا بس غلطت لما قولت انهم بيت شعر لكن والله كان نيتى أقول إن ده مش كلامى يعني
تشي بجد بجد أنت عارف أنا عايزه أقول أيه دلوقتى!!!بتحرجني علنا أوك :)))
ياااااه على الايام دى يا سعودى
انت عارف فكرتنى بيا وانا عندى حوالى 5 سنين عملت فيها كبير ونزلت مشيت لوحدى فى الشارع وتهت .. هههههههه
بجد مصر كانت زمان حكاية
فين الايام دى دلوقتى
الف شكر على الموضوع
وعلى فكرة الصورة جامدة جدا
ياااااه
كلام جميل اوى
فاكرنى بطفولتى
الى راحت مع كل اللى راح
كان نفسى يبقى جدو عايش
ممممممممم
طيب خلاص مش هتكلم
بوست جميل
thank uuuu
CHE
انا مش عارف اقول لك ايه يا تشي
انا لا استحق بجد
و بعدين بطل مشاغبه
انت هتطفش الزباين كده
:D
Islaam Ryyan
اولا رأيك على عيني و على راسي
ثانيا انا من وجهة نظري ان مهما كانت الايام و الظروف
مفيش قوه على الارض هتقدر تنسينا احلى ايام عشناها
واحلى ذكريات
بحبك
مصطفى فتحي
تعليقك
بسيط
بيشجعني
بيحببني فيك اكتر و اكتر
ROU.ROU
منوراني بزيارتك بجد
وشكرا على كلامك الحلو
Totaaa
صدقيني انتي اللي هايله و اصيله جدا جدا
Rania
عارفه لو كل جروب مننا فيه حد بيحب مصر...صدقيني هنرجع ..و بقوه
منوراني جدااا
Nyeira el shrief
تعليقك ف الجون
بجد...مش عارف اقول لك ايه
تحياتي ليكي
NOSA
منوره المدونه واشكرك على تعليقك
وفعلا...لازم نصحي الطفل اللي جوانا
هو اللي هيهون علينا و يدينا حريه اكتر
تحياتي
Dicart
الف شكر ليك يا قمر على زيارتك الجميله دي
بحبك
الفارس الدهليزي
اولا منور المدونه بزيارتك الاولى
ثانيا
صدقني طفولتك ماراحتش و مفيش حاجه راحت
بدليل ...انك افتكرتها
صح ولا لأ ؟؟؟
SoSo
ربنا يخليكي يا سوسو يا جميله
كلنا نفسنا جدودنا يفضلو
بس سنه الحياه
انا معاكي اننا احياننا بنحبهم اكتر من بابا و ماما...لأن القعده معاهم متتعوضش
بس نقدر نخللي ايمنا حلوه و من غيرهم
بذكرياتنا الجميله
بحبكم
الله الله
احلى حنين للذكريات
ايه يا زميلي
ده انت شبهي في كتيييييييييير
صيدله وتصوير وحنين
شرفتني زيارتك لمدونتي
وفرحتني اوي
كلامك روعه عن مصر وعن احساسك بذكريات الصبا
دايما واحنا ضغيرين بنشوف كل شيء بقلبنا
بنحسه قبل ما نشوفه
اشكرك جدا
جميلة اوييييييي مدونتك
بجد مبسوطة اوييييي اني اكتشفتها
و كمان رجعوني الكلمتين دول لايام زمان بجد كانت ايام متتعوضش
في انتظار المزيد و اتمني رأيك في مدونتي
dr-esso.blogspot.com
زمرده
شكلك كده هتنضمي لقائمة رافعي معنوياتي
تعليقك بجد انا باشكرك عليه و مرسي مووت على كلامك الحلو...يا زميلتي
:D
Esraa Ahmed
وانا مبسوط اكتر منك انك شرقتيني فيها يا اسراء
ارجو انها ماتكونش اخر زياره
وان شاء الله دايما اكون ف مدونتك
تحياتي
Post a Comment