بحب الحياه بحب الناس - محمود سعودي.
.
ليتنا ندرك الفارق الحقيقي بين القلم الرصاص والقلم الجاف "
فالرصاص تجده متعباً في العناية به، ويحتاج اهتمام دائم
ولكنه سهل التصحيح و التقويم بعد الكتابه
و الجاف لا يحتاج منك اكثر من ان تضعه على ورقة و تخط
ولكنك مسئول عما تخط وليس لك الرجوع فيه, الا الشطب
........
فياليت كانت تربيتنا ..بالرصاص
فليكن تفكيرنا بالرصاص..وكذلك قراراتنا
"! ولكن، لتكن تصرفاتنا....بالجاف
,,,سعودي
25 comments:
ya 7oka ana nefsy 7ayatna kolaha teb2a bel2alam elrosas, 3ala el2a2al mafish alwan zay elgaf we betshoof kol 7aga 3ala tabee3etha, bas lel2asaf 2adarna kolo maktoob bel2alam elgaf........... ya3ny la rag3ata feeh.
Elshaf3y
ماشاء الله لا قوه الا بالله
ومن يؤتي الحكمه فقد اوتي خيرا كثيرا
ربنا بجد وهبك بعض الحكمه في التعبير اتمني ان ربنا يزيدك دايمابسطه في العلم والجسم وينفع ويمتع بكتاباتك البشريه كلها انا للاسف كانت تربيتي بالجاف
احمد نجيب ه
كلماتك قليله و لكنها توحى و تعبر بالكثير
احييك عليها
و لكنى أأمل ان تكن تصرفاتنا ايضا بالرصاص
تحياتى و مودتى
ما شاء الله تبارك الله
كلام جميل كلام معقول مقدرش افتح بؤي فيه
لا بجد كلام رائع فعلا و حاجة يمكن انا اول مرة اخد بالي منها مع بـ أعاني منها كل يوم
ان قلمي الرصاص فعلا ببقى متضايق و انا واخده لانه فافي و محتاج تاخد بالك يتكسر و لا يحصل حاجه لكن بارغم من كده بحبه لانه مش بيتعبني في تصحيحه
لكن لكل (الرصاص و الجاف) مزايا و عيوب
ربنا يرزقنا مزايا الرصاص و مميزات الجاف و يبعد عنا شرهم و عيوبهم
قولوا اّمين
أخوك.......محمود عبدالله
كلامك منطقي جدا
عمري ما فكرت في الأمور بالطريقة دي
بس أنا مش معاك إن تصرفاتنا تكون جاف
ساعات الواحد بيندم بعد ما بيعمل حاجة
أو في لحظة عصبية يعمل حاجة تجرح حد
هتبقى حاجة كويسة لو قدرنا نمحي الحاجات دي ونمحيها كمان من ذهن اللي حصلت معاه
بالفعل البوست رائع
تقبل مروري
الله عليك يا محمود كلام بالرغم من قلتله واختصاره إلا إنه بيوحي بالكثير من المعاني الإنسانية يا ريت كانت تربيتي فعلا ممكن امحي الحاجات الخطأ فيها زي القلم الرصاص بس هنقول أيه اهلنا بيربونا من صغرنا من غير تتدخل لينا في حياتنا وفي مصيرنا بنكبر نلاقي نفسنا علي حاجات الله أعلم صح ولا غلط وهي دي الحياة ربنا يوفقك يا محمود
أعتقد أن معاك حق .. التصرفات دايمًا بتكون بالجاف .. ممكن تتشطب بس أكيد هتسيب أثر على الصفحة البيضا ..
أتمنى ساعات لو كانت تصرفات الناس التانية معايا تصرفات بالقلم الرصاص.. كانت سمحت لي إني امسحها ومسمحلهاش تأثر عليي أو تزعلني أو تضايقني أو تغير من ملامحي.. بس للأسف إنت معاك حق ..
تصرفاتنا وتصرفات اللي حولينا علينا دايمًا بتكون بالجاف :)
شكرًا :)
فعلا فى فرق كبير بين الرصاص والجاف
بس المشكله ان وقت مانكون محتاجين ان تصرفاتنا تكون بالجاف هتلاقيها طالعه بالرصاص وبتتمسح هواااااااااااااا
زى مواقف بلادنا (العرب كلهم يعنى) فى حاجات كتييييييييييير
اما بقى لما بنحتاج ان تصرفاتنا تكون بالرصاص علشان نقدر نمسحها لو ضايقت ناس غاليين علينا بنلاقيها بتطلع بالجاف ومش ممكن الشخبطه ساعتها تفيدنا
منقدرش نقول محتاجين الجاف بس ولا الرصاص بس
احنا محتاجين الاتنين بس كل واحد فى مكانه و وقته
على فكرة ماشاء الله مواضيعك وافكارك بجد جميله وبتخلى الواحد يقيم حاجات كتييير فى تصرفاته وتفكيره ككل
كلام جميل
وكلام معقول
:)
ماقدرش اقول حاجة عنه
سعودياتك مبشرة جدا
تجعلني اتطلع للمزيد
كل التحية
جميلة جدا المفاضلة بين القلم الرصاص والقلم الجاف
ولكن لو لم نمتلك الرغبة في المسح والتعديل فلن يتغير شيء ويصبح الامر سيان
تحيااااااااتي
حاجات كتير اوى كانت المفروض تكون بالرصاص ..كل حاجه تقريبا هيكون افضل لو كانت بالرصاص .. لانه مش هيحرمنا من وجود الحاجات الكويسه هتفضل موجوده وواضحه لو اتكتبت بيه أما الحاجات اللى مش كويسه واللى مش قادرين نرضى عنها هيكون سهل مسحها فياريت كل شىء يكون بالرصاص .. عارف ليه كمان .. لأن مسألة رضاك عن الأشياء من عدمها مسألة نسبية إنت إمبارح قد تكون راضى عن شىء مش قادر ترضى عنه النهرده فلو كان كله مكتوب بالرصاص هيكون سهل عليك تعديل وتغيير ومسح ما تشاء .. بس مين قال إن تربيتنا مش بالرصاص !! ناس كتير اوى بتتربي كويس ولما تخرج للدنيا بتبوظ وناس تانيه عائلاتهم مستواهم متوسط او حتى متدنى وربوهم ع الاساس ده بس قدروا يرتقوا بقيمهم وبمستواهم وبكل شىء ويكونوا أفضل.. أنا شايفه إن كل شىء خاضع لإرادتنا ولرغبتنا فى الاول والاخر ومانكرش ان تربيتنا بتأثر فينا وجدااااا كمان بس لو فى حاجه مش عجبانا فبإيدينا نحاول نغيرها ونحسنها.. لان اللى اتزرع فينا واحنا صغيرين مهواش حكم نهائى على الأشياء، وقابل جداااا للتغيير والتعديل
وع العموم حتى الجاف دلوقتى بيتمسح بالكركتور!! .. وده معناه إن بقليل من الوعي يمكننا تغيير كل شىء
غنى عن القول طبعا إن الخاطرة
تحفففففففففففففة وبجد راااااااااائعة وفى منتهى العقل والحكمة
سعودي
تحيه كبيرة اوى تنطلق من بلاد الشرق الاقصي لتسمع من بالغرب الادني ( بس هتاخد العالم من الطريق الطويل مش من القصير علشان تسمع كل الناس )
حلوة الحته اللى فوق دي
بس بردو هختلف معاك
بص انا شايف ان كله هيبقي احسن بالرصاص
لما يكون محتاج صقل وتربيه وتهذيب وجهد يبقي كله بالرصاص
قبل القول افكر مليون مرة وقبل الفعل بردو
القول لو طلع وحش يقدر يتمسح ولو الفعل صدر بس فى حد اتذي منه اقدر ارجعه
حياتنا بالرصاص اجمل بكتير رغم انها ممكن تبقي باهتة ومش واضحه اوي
عموما يعني
انا حياتى قولي وكلامي بالجاف .... للأسف
تشي
فعلا بجد نفسى اوى ارد
ياخبر
فلسفة جامدة
واعتقد انك مقرتش كتاب فلسفى بحت علشان تتكلم بالعمق دة
انا جاية بس يارب اعرف اتفلسف معاك
هجيب اينو كمان
a7mad el shaf3y
كلمتك كبيره اوي
احمد نجيب
بجد انت موتني
لو انت اتربيت بالجاف...قدامك حياه ممكن تعيشها بالرصاص
rania
اشكرك يا رانيا بجد
لكي مانشائين
انت ادرى بورقه حياتك...فلترسمي ما هو اصلح
محمود عبدالله؟؟؟؟؟
انت واحشني جداااااااااااااااااا
مش هاعلق اكتر من كده
كلامك بحبه اوي و انت مصمم تحرمني منه
ادعيلي
heba
كان قصدي نفكر صح
ونتصرف بقرار بلا رجعه
لآنه صح
anonymous
اشكرك بشده على ذوقك
بس انت مين
ahmad
كلامك عاجبني
di el2mr
تعليق زي القمر....زي صاحبته
تحياتي
dr.roufy
مش عارف اقول لك ايه
بس انتي اروع بكتييييييييير
unique
شئ من التصحيح
مع بعض من الندم على ما لم يصحح
تسير الحياه
نيره الشريف
مش عارف اقول ايه
ههههههه...انتي عارفه انا عايز اقول ايه طبعا
عشان اختصر
بس بجد
تعليق ف الجون
CHE
انا قصدي لو احنا فكلانا كتير و صححنا ف تفكيرنا
هنبقى على قد مسئولية قرارنا
وبالتالي مش هنحتاج نمسحه
وهنكون فخورين..اننا..نكتبه بالجاف
بحبك
soso
انا مستنيكي طبعااااااا
هاتي كل اللي تعرفيهم من فضلك
انا نفسي كل الناس تقرا سعوديات
وياللا اتفلسفي
وهاتيني الارض
انا مستعد...لأنك هاتقدري
تحياتي
انا مش عارفة اقول حاجة الصراحة
غير انه ببساطة انت رائع وسعودياتك رائعة
حكيم والله يابنى
سلامى
بص أنا مش هأقولك المفروض أفكارنا وألا تربيتنا وألا تصرفتنا ومش عارفة ايه تكون بالجاف أو الرصاص
الأهم من وجهة نظرى
إننا نختار القلم المناسب للموقف المناسب
ولو انى بفضل القلم الرصاص يكون روترينج والجاف بريما سن رفيع "وش بيطلع لسانه"
ومن هنا من موقعى هذا امام شاشة الكمبيوتر اتحدث بصوت عالى لايسمعة احد
***********
اجدنى على اعتاب رسالة تلخص ماهى الحياة... لا ادرى من اين استخلصتها
فبالرغم من متعتى الدائمة فى التفكير والبحث والتعمق فى معانى الاشياء التى حولى
لم ابلغ مابلغت.... (مش هتقولى قريتها فين بس؟؟؟؟؟؟)
فعلا ياسعودى اخترت الرصاص لانة اسهل وافضل وكتير منا بيعتنى بية
واكتشفت من كلامك لما فكرت فى اول مرة مسكت فيها قلم
كان ممكن يكون جاف مش كدة
لكن الحقيقة انة كان رصاص لما كنت بتعلم الحروف والارقام
المغذى من كدة ان الطفل مش يتعلم ازاى يكتب
لاء كمان ازاى يقدر يستخدم الاستيكة ويمسح ويصحح الغلط الى عملة
اعتقد لو كان القلم جاف كان ممكن ميقدرش يتعلم شىء اخر انى ممكن يتراجع عن قرارة ويحكم عقلة ويغيرة
....
فى حياتى بالذات اشياء كتير كان نفسى اكتبها بالرصاص..مثلا دخولى كلية الاداب وانى بركب المواصلت كل يوم علشان بجد نص حياتىفيها تقريبا
وحاجات تانية كنت اتمنى تبقى بالجاف علشان عمرها متتمسح من حياتى
مش مهم اية هيا
لكنى كنت هبقى جمل وافضل لو كانت لسة موجودة فى الايام دى
لكن سؤالى القلم الجاف ولا الرصاص اقوى فى تأثيرة
اصل احنا بقينا نمسح كتير وبختراعات اكتر بقينا نمسح الجاف
حتى مسحوق الغسيل لية القدرة انة يشيل كلمات كنت اكتبها زمان على جيبة المدرسة ليتها كانت باقية حتى الان
شوفت بقى انهم الاتين مفيهمش فرق حاليا.
سعودى انت هتشتغل اية بعد التخرج؟
حبيبى سعودى
اسف على التأخير ..
كلامك حلو .. وحركات جاف ورصاص دى والمقارنة بينهم فى طريقتهم والاجتماع انهم الاتنين متشهابهين فى الغرض .. بجد طريقتك تحفة فى الكلام
بالنسبة للكلام نفسه بقى .. اكيد لازم نبقى مرنين فى التعامل .. لكن قرارتنا تبقى جادة مش قابلة للتغيير لاى سبب ..
وده فى حالة لما نبقى دارسين القرار كويس ومستوعبين كل جوانبه ..
واحنا كبشر غير معصومين من الخطأ وده اللى انت لمحتله بالشبط فى القلم الجاف .. بس انا ليا رأى تانى .. لو حصل ان اى حد اخد قرار غلط مش يرجع يقول هو غلط ويبلم .. لا هو يعترف بالغلط من غير ما يشطب .. بمعنى انه يكمل بس يحاول انه يعدل فى النتائج علشان يطلع حاجة صح فى الاخر ..
بمعنى انت كتبت كلمة غلط بالقلم الجاف ..مش بالضرورة تشطبها .. لكن ممكن تتعامل فى الكلمات اللى جاية بعدها وبالتالى تقدر توضح المعنى اللى كنت ممكن توضحه بطريقة اسهل لكن حصل خطأ سبب انك مش اخدت الطريقة السهلة
يارب تكون فهمت انا قصدى ايه .. مش تقليل لمهاراتك .. ولكن مهاراتى انا اللى مش قوية فى توضيح فكرتى :d
يلا اشوفك قريب
مش هزود حاجة على الكلام اللى اتقال فى حقك وفى كلامك اللى من غير شك انه جميل بجد تعبيرك جميل للكلام مش عارفة اقول ايه؟؟؟؟؟؟؟؟؟؟
كلام مظبوط 100%
بس هى الدنيا كده ساعات حاجات تمر عليك وتقول ياريتنى كتبتها بالجاف و تقول ساعات تانية يا ريتنى كتبتها بالرصاص
وساعات ما بنحبنش الكتابة اساسا(انا)
اسلوبك جميل جدا keep on it
islam rayyan
totaa
انا بقا مش عارف اقول لك ايه
انتي اخجلتي توضعي جدا
احلى سلام و كلام
nosa
وش بيشكرك على تعليقك
soso
ابوس يدك بالراحه عليا
ايه الكلام ده,,كبير عليا صدقيني
بس انا في نقطه عايز اقولها
الكوريكتور مش بيمسح الجاف
الكوريتور...بيتستر عليه...لأنه لسه موجود
يعني هو الكوريكتور زي الاستيكه؟؟؟
و بالنسبه لشغلي بقا بعد التخرج
ناوي اشتغل حر ....طليق
اشتغل اللي بحبه
ادعيلي بقا
تحياتي
dicart
شوف يا كبير
كلامك على عيني وعلى راسي من فوق
ورايك جامد جدا
انا كان رأيي في الجاف و الشطب و التفكير و القرار و كده
اننا لما نفكر كويس جدا....ونعدل و ندرس غلطنا هيقل احنا مش معصومين بس مطالبين اننا نحاول منغلطش
علشان منشطبش من تاني يارب تكون فهمتني
وبالنسبه لعدم الشطب و اننا نكمل بعد الغلط...احييك عليها
بحبك
reem
مش عارفه تقولي ايه؟؟؟
انا حاسس باللي هتقوليه
ربنا يخليكي ياريم على كلامك الجامد ده
منوراني كتير
تحياتي
Islam Rayyan
منورني جدا جدا جدا
وربنا يخليك على كلامك اللي زي العسل
تحياتي ليك كتير
بحبكم
شوف يا محمود يا حبي
مش هطول عليك بس حقيقي انا فخور انك صاحبي .......قصدي فخور اني صاحبك
ربنا يزيدك
برقش
برقش
مش عارف ان اقول لك ايه
انت قتلتني
بس بجد
انا طاير بيك يا ابراهيم
بجد انا بحبك جداااااااااااااا
ربنا يخليك يا قمر
تحياتي
انا مش عارفه اقولك ايه
بس صعب انك تلاقي انسان بيفكر بعمق في الاشياء بالطريقه دي
كل يوم بمسك قلم رصاص وقلم جاف
بس عمري ما فكرت كدا
بس انت هتخليني ماخدش الامور بسطحيه
بجد انت انسان موهوب
طبعا انا صغيرة اوي بالنسبه لكاتب زيك في نظري كبييييييير اوي
بس من حقي اقول انني منبهرة جدا بالمدونه ياسعودي
ربنا يوفقك
Post a Comment