كان المسجد خاوياًيبكي من الوحده
حتى اتوه جميعاً
ففرح بهم شديداً
و رحب بهم...و وسعهم و لم يعبأ بالزحام
بل احب الزحام و عشقه
ثم هجروه فجأة
فبكى ثانيه
ثم جاءوه بعدها بعام
فضحك من جديد
حيث رمضان من جديد
.............
اكتب تلك السطور....و انا من داخلي قلب المسجد افرح ايضاً و الله لفرحه
و اكاد ابكي لبكاءه
اصف لكم صلاه الفجر من أول يوم في رمضان
ادخل المسجد....مفيش مكان لقدم
الفجر!!؟؟؟؟ اللي كل الناس بتكون نايمه فيه!!؟؟
ما شاء الله
فرحت قوي
الأيام تعدي....يوم ورا يوم...رمضان بيخلص
على آخر رمضان ...الناس اختفت!!!!؟
في ايه؟
الناس راحت فين
طب كانوا في الأول كتير ليه
حد يجاوبني و يريحني
حد يعرف؟؟؟
طب هي الناس دي مسلمه بجد ولا.........؟
محدش يعرف
هم بينافقوا.....ولا ايه؟
و بينافقوا مع مين؟....مع ربنا؟
استحاله
يمكن مع نفسهم....او ممكن بيضحكوا على نفسهم
و لا يمكن اصلاً هم بيعبدوا رمضان
و لا عشان مكانوش مستعدين كويس للعباده في رمضان
و لا عشان ايه بالظبط....انا تعبت من كتر السؤال
حد يفهمني....و يا ريت يقنعني
انا باعشق منظر الناس و هي بتتزاحم على الصلاه
بحس ان الدنيا لسه فيها خير....و الناس عندها خير مالهوش حدود
و بافرح قوي لما اروح اصلي في مسجد و مالاقيش مكان...و اروح اصلي في جامع غيره اكبر
بافرح قوي بجد....لكن
بازعل قوي برضه.....بقى ده ينفع
نسيب المسجد وحيد بيبكي....بعد ما خليناه يضحك من كل قلبه
كده....طب ليه...مين اقنعهم مايجوش المسجد تاني
حد يريحني....بجد انا تعبت
بدل ما كان نفسي كل يوم يكون رمضان........لأ
نفسي كل يوم يكون....... أول يوم في رمضان
11 comments:
ما شاء الله كلامك جميل جدا يا د/ محمود بس فيه حاجة
انت بتسأل الناس دية مسلمة ولا ايه بالظبط ايوة اه مسلمة لكن للاسف اسلامها داخله مش مكتمل الناس اعتادت اول ما يجى رمضان اللى مكنش بيمسك مصحف يمسه فى كل مكان فى مترو فى وسيله مواصلات او غيره مع انه عمره ما عرف المصحف ده فين ولا كلام من جواه شكله ايه وفيه اغلبية ناس كتير كدة زى بالظبط اللى عمره ما كان بيصلى ويصلى فى رمضان او اوائل رمضان وبعدين يرجع يكسل من تانى للاسف طب ليه هوا رب رمضان مش رب كل الايام والشهور انا كنت زيك كدة وكنت بسال نفسى نفش السؤال طب ليه اشمعنى الناس تواظب تقرا وتتسابق تقرا قرآن وكله ماسك مصاحف فى كل مكان وبعد كدة مفيش ليييييييييييييه مهو ربنا اللى عمل رمضان وخلقنا هوا برضو اللى عمل باقى الايام بجد شئ غريب وعجيب للاسف الناس بتاخدها الحماس فى الاول وبعد كدة بتخمد وبتندمج بقى مع الهيصة والمسلسلات وتنسى :( هوا واقع مؤلم وغلط وثقافة وفكر خاطئ عند ناس كتير وشباب محتاجين يفهموا ويعرفوا دينهم عشان ميكونش اسمهم مسلمين اسما فقط
آسفه للتطويل
تدوينة جميلة ربنا يكرمك كلامك متفقة معاه كله ربنا يهدينا كلنا عايزة اقولك برضه ان فى ناس تانية ملتزمة وللاسف اقل بس ماننكرش من وجود الناس دى اللى بتواظب عالصلاة فى كل الشهور وقراءة القرءان والصلاة فى المسجد عارفيين ان عددهم قليل ربنا يهدينا كلنا والعدد ده يزيد والحمد لله برضه ان حتى فى شهر رمضان اللى ماكانش بيقرأ قرأن يبدأ يقراه واللى ماكانش بيصلى يبدأ ممكن شهر رمضان يكون نقطة بداية لناس كتيير ربنا يهدينا كلنا
رحيق الحب...اهلاً بك مجدداً
لن اكمل بعد كلامك.....يا رب اهدي كل الناس
و ثبتنا و ثبتهم بعد رمضان
ريم الجميله
اهلاً بك ....عود احمد للمدونه
يا رب كل الناس تفضل باخلاق رمضانيه على طوووووووول
وانا كمان بدعي معاك ان كل ايامنا تكون اول يوم رمضان
بحبك في الله يا محمود
ربنا يباركفيك
كل سنة وانت بالف خير انا جيت اقول كدة بس
السلام عليكم...قبل ان ابدأ في توجيه كلامي لمصطفى...اود ان اعلق على اول تعليق
طريقه تعليقك و تلميحك "يا محترم" مش لطيفه و غير مهذبه بالمره يعني ايه نبص للماضي و كلامك واضح...ده مش احترام و لا ادب بالمره
ربنا علمنا في الاسلام ان التوبه بتمسح اللي قبلها...و لو كان حد أولى انه يقلب في الماضي كان ربنا أولى انه يعمل كده...لكنه رحيم بعباده و بيسامح...و انت بقى بسلامتك بتعاير الناس
و ليه انت مستخبي كده و فين اسمك عرفني نفسك ليه بتشتم و تجري....يا خساره ...يا ألف خساره
15 سبتمبر, 2007 07:35 ص
ياسيادة الصيدلي ابل ماتطلب مني ان اكون مؤدب حاول تفهم ابل كده لان الطيبه في الاسلام مش معناهاتكون غبي وتخلي الي يلبسو ثوب الصدق والمثاليه يكلوا في اعراض وسمعة المشايخ او حتي عموم الناس عشان كده طلبت من النكرة الي انت بجد وكتير من الناس متعرفش هو ايه اصلا زي معرفو احسلو يشغل نفسو بالاستغفار وطلب اصلاح ماظيه وحاظرو ويسيب الناس لحالها سامحني بس انت صغير السن ومش عارف حاجه وخلي سيادة الصحفي المحترم يدافع عن القذارة الي يكتبها صدقني الحقيقة انتو مش شايفينها ابداومش قادر اتكلم
و انتي طيبه يا عصفوره يا جميله
اهلاً بيكي...و يا ريت دايما تتابعي المدونه و اهلا باقتراحاتك و تعليقاتك
الى الاستاذ المحترم مجهول الهويه
ربنا يهديك...احب بس اقولك ان انا مش صغير ..نتكلم و هتشوف مين فينا اللي صغير
شكرا يا قمر
يادكتور صدقني وماتزعلش انا قصدي بكلمة صغير يعني تنقصك الخبره وده واضح من اجابتك لكلامي وااعتذر ان كنت جرحتك بس فعلا انت مش فاهم ايه الي بيحصل علي اجهزة مكاتب كلمتنا اعتذر اليك مره تانبه ومش هزعجك لاني انا نفسي صيدلاني وارجو انك تنسي كلامي عن مصطفي وماتقولوش حاجه بس صدقني لما تفهم هتقول في واحد من زمان قالي وعلي فكرة احنا التقينا في دوره سابقه بس انت مش فاكرني وسلمت عليك اخيرا ربنا يهدي الجميع ورمضان كريم
ارجو ان تفصح عن نفسك
لا احب الاقنعه
لا احب التخفي
لو كنت انت على حق و تتخفى...فهذا يضعف موقفك
بجد انا اكره كده
و مالها مكاتب كلمتنا
انا كمان صحفي في كلمتنا و يهمني اعرف و يا ريت بلاش كلام مالهوش لازمه
واللي يتكلم عن كلمتنا كانه بيتكلم عن بيتي و هو حر
شكرا يا ابو الكباتن
Post a Comment