بحب الحياه بحب الناس - محمود سعودي.
.
في طريق الحياه الذي نسير فيه، لانختلف كثيراً عما نقود من سيارات "
حيث يسري علينا قانون واحد
فهي ان نفذ وقودها سكنت وامتنعت عن الحراك
وانت ان اتاك أجلك . . سكنت ايضاً
ولا يراودك فكر بأنها ستعاود الحراك اذا امددتها بوقود
فهي لن تسير بعد اليوم
"! لأن قائدها قد مات
"! لأن قائدها قد مات
سعودي،،،
14 comments:
كلمات جميلة جدا والصورة اجمل
تحياتى ليك وكل سنة وانت طيب
كل سنة وإنت طيب يا محمود باشا
فعلا الموت معرفش الأيام دية بقيت بفكر
فيه كتير ليه ما عني تفكيري بقى مادي بصورة شبه كاملة
شيء مقلق
تحياتي
ازيك ياميدو
يارب تكون بخير
...
ايه ده انا لسه بقول عليك بتحب الحياة والناس
مش عارفة ليه بحسب ان الكلام عن الموت تشاؤم
رغم انه حقيقة لا مناص منها
...
تشبيه حلو اوي ياسعودي
والصورة كمان بس الصورة مخيفة اوييييي اصل انا عندي خوف من المرتفعات
..
انا الايام دي بحلم بقي بعمي المتوفي كتييير اوي معرفش ليه
لدرجة ان مبقتش انام
لسه حلمت بيه انه مات تحت سريري وخايفة اقول لحد لانهم هيفتكروني قتلته
تخيل بقي كنت مرعوبة ازايي من الحلم ده
..
اه صحيح انت بتحب اسمك اوي صح؟؟
عجبني اوي والله شعار سعوديات الي انت عامله
حاسةة ان في حب واعتزاز
بتفكرني بكلثوميات ووهابيات
تكرم يارب
..
دودو
معلش رجعت تاني
اصل انا خرجت ورحت اتفرج علي البوم صورك
عارف الصور دي حلوة اوي
لان متاخدة بزوايا رائعة ومخلية كل صورة لوحة فنان
لانها بتجسم انفعالات واحاسيس كتير عنك
تحس الصورة بتتكلم
بعشق الصور الي بالابيض والاسود
في صورة لك حلوة اوي الي هي لابس كاب وابيض واسود
انا بحب اصور نفسي لا مش بحب اصور نفسي بحب اصور الانطباع او الانفعال الي بحسه لحظة معينة
اه بصور نفسي وبحرفية كمان
:))))
اصل ناس كتير تستغرب لما تشوف الصور بتاعتي وتحسب حد مصورني
وتستغرب اني بعرف اصور نفسي
بس اكره حد يصورني
..
يانهاري انا اتجننت ايه الكلام الكتير الي انا اتكلمته ده
اسفة ياسعودي استحملني بقي
...
دودو
موضوع جميل
ولكن انا مش شايف ايه وجه شبه بينك وبين السيارات غير زى ما كانوا بيقولونا واحنا صغيرين .. كل علشان تمشى هى العربية تمشى من غير بنزين :D
موضوعك حلو
تسلم عليه
السيارات
ممكن يكون فى وجه شبه بينا وبين السيارات ان دلوقتى كلنا بنمشى حسب القائد
يعنى العربيه القائد بتاعها بيمشيها زى ماهو عايز واحنا طبعاااااااا زيها بالظبط
اما نقطه ان لما الوقود يخلص كله هيقف
مظنش
العربيه لو حطيت لها بنزين هتمشى حتى لو قائدها مات لان هتلاقى الق واحد عايزين يبقوا القائد
احنا بقى لو اجلنا جه هنمشى برضو بس فى دنيا تانيه خاااااااااااااااااااالص
حياتنا مش بتوقف بالموت لا فوق الارض ولا تحت الارض
يعنى لو حد عزيز علينا مات
احنا هنعيش وهنكمل حياتنا
وهو هيكمل حياه تانيه وجديدة فى دنيا احنا مش عارفينها
معلش طولت عليك
مش هقدر اقولك غير ان الموت هوه الحقيقه الوحيده في حياتنا
يالا ربنا يحسن ختامنا جميعا
تحياتي
kalimat to7faaa bgd awyyy
wel 7ayah besefa 3ama taree2 we lowh nehayia zy malouh bedayia ma7dsh 7yfdal mashiha ktiir
ta7iyaty 3la 2l kalam 2l gamd dh
أنت
نعم اعنيك انت
لماذا لم تأت بعد .. ؟
هذا طريق لا يعرفه الساسة
و لا الحكام
و لا الاصدقاء و لا الاعداء
هذا طريق لا يعرفه أحد
ولا يعرف أحد
طريق لم تعرفه أقدام المارّة ،
ولم تدنّسه من قبل عجلات سيارة فارهة تملاء خزان وقودها من عرقي ، وعرق الأغبياء
الذين يقفون في طابور طويل
يريدون خبزاً قبل أن ترتفع أسعار القمح
تعال .. لماذا انت مرتبك ؟
و لماذا ارتضيت ان تتدثر في حزن مغشوش ؟
دع العالم يسمع صوتك
و إن لم يفعل .. !
فتأكد انني انتظرك لتشترك معنا في اسرار اون لاين
على الرابط ادناه
حتى اسمعك
http://asraronline.com/vb/register.php?referrerid=2
سعودي
معلش يا سيدي والله مشغول كنت انا الايام اللى فاتت وردي جه متأخر
بص مش عارف المرة دي اختلف معاك شوية
مش عارف التشبية كدا مش مريح
السيارات آلات لكن احنا بشر
السيارات هتمشي تاني بوقود جديد او حتى بسواق جديد لكن البشر خلاص لما الروح بتذهب مفيش مجال للعودة ولا لتبديل لا وقود ولا سائق ولا روح
عموما بحبك
تشي
مروه الزارع
كل سنه وانت طيبه واهلا بيكي ..المدونه نورت بيكي
ومرسي كتير على كلامك الحلو
أحمد منتصر
كل سنه وانت بألف خير يا أحمد
علشان ماتقلقش
وعلشان محدش يقلق
لازم نستعد كويس لأجلنا
هي صعبه و متعبه
لكن ده ضروري
تحياتي ليك
PARANOIA
ازيك يا دود
يارب تكوني بخير
انا مش متشاءم على الاطلاق
لكن انا باتكلم عن مجرد حقيقه واقعه
وفعلا انا بحب اسمي كتييييييييييير جدا فوق الوصف
واشكرك بجد على رأيك في الصور
العين الجميله بتشوف كل جميل
كمان انا عجبني جدا انك وانتي بتكتبي تعليقك وكأنك بتتكلمي مع حد و بتقولي آه ولأ
انا فرحت اوي لما شفت تعليقك الاول و التاني
انا حاسس ان هنا بقى مكان للفضفضه
حقيقي انا سعيد
كل الود
dicart
اعتقد انك مفهمتش وجهة نظري
انا اقصد ان لكل شئ اجل
زي الانسان لما يجيله اجله
وزي السياره
هتقول ان السياره لما تزودلها بنزين اكيد هتمشي تاني
هقول لك ان نهاية البنزين مش كل اجل السياره
لأنها متوقفه كمان على قائد
هيفيد ايه ان السياره تكون مليانه بنزين..و مفيش حد يسوقها
ولذلك انا لما فكرت في الموضوع لقيت ان الانسان يعتبر جزء من اجل السياره
ياريت اكون قدرت اوصل وحهة نظري
كل الحب
di el2mar
ابدا ابدا مش طولتي ولا حاجه
لكن انتي تعليقك دخل في نقطه تانيه غير اللي انا مركز عليها
انا اقصد نهاية الاجل
مش فيما بعد الاجل
لو قرأتي تعليقي اللي فوق اعتقد ممكن تفهمي وجهة نظري
اشكرك بشده على تعليقك
kalkool
انا معاك ان الموت حقيقه موجوده ف حياتنا
لكن مش هي الوحيده
يمكن يكون لأنه الحاجه الوحيده اللي مقدرناش نهزمها
وفعلا مهما كنا هو الل بينتصر
غير حاجات كتير جدا اتغيرت في حياتنا بسبب الغش و النفاق و الاقنعه اللي عايشين جواها
اشكرك على تعليقك اللي خلاني افكر قبل ما اجاوب
تحياتي ليك و منورني
rou rou
بجد مش عارف اقول لك ايه على كلامك الجميل ده
يارب دايما اكون عند حسن ظن كل الناس
تحياتي ليكي يا جميل
أمين سر
شكرا على تشريفك لمدونتي
وان شاء الله ازورك قريبا
CHE
اولا انا مقدر جدا انك مشغول وربنا معاك و يعنك في دراستك يا رب
ثانيا اعتقد اننا بعد ما تناقشنا فهمت وجهة نظري اكتر
بحبك
شكر ليكم جداااااا على تعليقاتكم الهايله
بجد خلتني افكر في حاجات كتير
بحبكم
كلمات جميلة و معبرة اوييييييييي
كلام في الصميم
و الصورة؟؟...تثير الهلع و تطرح ألف سؤال
تحية طيبة زميلي
esraa ahmed
مرسي يا اسراء على ذوقك
منوراني دايماً
:)
أسرار انثى
كالعاده تتحفيني بقليل كلاماتك
لآاجد اكثر من اشكرك جزيل الشكر
على تشرفك لي دائماااااااا
تحياتي
Post a Comment