بحب الحياه بحب الناس - محمود سعودي
مش عارف اقول ايه و لا عارف اتكلم ازاي...هو دايما الواحد كده لما ييجي يتكلم عن اهم اسباب سعادته
بس يمكن يكون سبب سعادتي غريب شويه عن معظم الناس
انا بعشق حاجه اسمها الشتا...باموت ف المطر بجد
يااااااااه...انا فعلا بانتظر نزول المطر بطريقه غريبه
واحب اتفرج عليا من ورا الشباك و هو نازل على الزرع
او امشي في الشارع و هي بتمطر..و في وسط الشارع كمان
مش عارف اوصف اللي جوايا اكتر من ان انا بانسى نفسي في الجو ده
مش مهم اللي يحصل...مش عارف اقول لكم منظر الغيوم و السحاب مع المطر و الهوا البارد اللطيف بيعمل فيا ايه
انا طبعا مش كئيب للدرجه دي لكن السحاب و الغيوم انا بحب شكلهم جدا
و مش بحب ابدا اقف تحت حاجه في المطر مهما كانت قوته
لأن ده خير من عند ربنا....و بحب ادعي كتير في الوقت ده لأن الدعاء لا يرد فيه
و الغريب بقا اني احياناً بازعل لو الدنيا مطرت و انا نايم
شفتوا بقا بحبها ازاي؟؟؟؟؟؟
دلوقتي في منافس...لأني
بحب الحياه..بحب الناس..بحب الشتا
12 comments:
مممممممممممممممممم
بص يا سيدي انا بعشق المطر بس من غير سقعة وبرد معرفش ازاى وكمان بعشق التلج وهوكي الجليد ( مع انى عمري ما لعبته غير ع الكومبيوتر طبعا ) بس برضه من غير سقعه ولا تكتكه ( تك تك تك كدا يعني )
يااااااااااااه نفسي اروح اسكندرية فى الشتا واعيش تحت المطر
اه صحيح لو الحاجات دي مش بتحبها علشان انت كئيب فأنا كئيب بدرجة جامد جدا وعلشان كدا بحبهم
بس على فكرة انا مش بنزل تحت المطر فى اى وقت لازم يكون كدا شادد حيله ع الاخر استحمي يعني مش اي حاجة
ياللا تحياتى علشان انا طولت
اه صحيح دا انا اول تعليق يبقي من حقي اطول ولا ايه
تشي
CHE
طول يا عم ولا يهمك...البيت بيتك برضه
حتى بص انا هاقفل الجهاز اهو وخليك قاعد جمب الهارد لوحدك
هههههه
انا رايح اسكندريه قريب...تيجي معايا؟؟؟
بحبك
دا انا يحصلي الشرف
قولي امتي واكيد هاجي
إن شاء الله
مستني الميعاد
تشي
فعلا ماجمل الحياه تحت المطر والجو ساقعه والواحد خلاص هاينشف
وما اجملها في دبك استجير ومن يجير سواك
فأجر ضعيف يحتمى بحماك
انى ضعيف استعين ع قوى
ذنبى ومعصيتى ببعض قواكه الحراره الصفر وانت قايم من تحت البطانيه علشان تذاكر
وما اجملها لو جالك برد يفظل مرقدك طول فتره الاجازه
وما اجملها لما الجو يغيم وتبقي ليل في عز الظهر
وما اجملها لما الناس تقفل بيوتها من المغرب
فعلا الحياه في الشتا جميلاااااااااااااااااااا
ايه ده احذف الدعاء اللي دخل في النصف ده
معرفش دخل ازاى هنا
الامـــ اليائس ـــل
انا هاحذفك انت اساساً من المدونه و من حياتي
يابني ارحمني هو انا عملت لك حاجه
منور المدونه الايجابيه يا عم الـ
- ve charge
barrel of electrones
:D
يااااااااااه
بجد احلى لحظة هيا لحظة المطر دية بجد بتبقى منتهى منتهى منتهى المتعه ويا سلام بقى لما الواحد يدعى والسما بتكون صافية والجو حلو جداااااااا ياااااه بجد دية نعمه فيه بلاد تانية تتمنى لحظة من الللى احنا بنعيشها دية
ليك حق تحب الحياة والشتا بس خلى بالك بقى من البرد واعمل حسابك لحسن يتقلب على اللى بيحبه
:))))))
تحياتى
يا قمر كلنا بنتموت في الشتاء انا واحد من الناس بحب امشي في الشتا بنص كم تحت المطر وياسلام لو جريت
بكون في غاية السعادة
بوست جميل
سعودي ازيك
انت اول مرة تيجي مدونتي
انا مدونتي الاساسية هي
http://didoredoado.blogspot.com
انت دخلت الفرعية
اشكرك جدا لزيارتك ياسعودي ولرأيك الجميل
.....
تعليقا علي موضوعك
انا مش بحب الشتا وبس انا بعشقها والله لدرجة اني ومحدش يضحك عليا بفتح المروحة وانا نايمة عشان اتجمد اكتر
والمطر للاسف نادر هنا عندنا بس كل لما بيبقي في مطر بحب اتغمر في ميته
بحب الليل بمقدار حبي للشتاء
بس انا بقي عكسك انا بالفعل كئيبة ومزاجي سوداوي بس اوقات بسرق لحظات حلوة من الزمن ..و بعيش علي ذكري اي لحظة حلوة لفترة طويلة
..
بس انا مش بحب الناس انا بخاف منهم يمكن لاني منعذلة عنهم او لاني اتأذيت كتير
بس نفسي احبهم وده هيحصل لو قربت منهم
اسفة اني فضفضت هنا
مدونتك هادية ياسعودي وبتعكس حبك للحياة
الله حافظ
شكرا
دودو
رحيق الحب
عود احمد يا هاله و مرسي كتييير على كلامك الحلو ده..و متخافيش الشتا ده روحي روحي روحي
dr online
يااااااه..للدرجه دي...الموضوع كبر جدا و خرج من ايدك يا باشا
نص كم ايه و حركات ايه
انا مقدرش اجري بنص كم تحت الدش...اعملها ف الشارع؟؟؟؟؟؟؟
منور المدونه بجد و خليك اون لاين هنا على طول علشان مزعلش منك
بحبك
paranoia ,dramatic& magnetic girl
بالنسبه للأساسيه هاجيلك على عيني
بالنسبه للحب الجنوني للشتا صدقيني يستاهل اكتر من كده
بالنسبه للمزاج السوداوي و الكئابه ف من فضلك اسرقي كتير كتير اوقات حلوه و خليكي حراميه كده..انا بحب الحراميه اكتر من السلبيين
ههههههههه
بتقولي آسفه انك فضفضتي هنا...اعتذار غير مقبول بالمره بل و يرد عليكي بسببه
وهو انا بحب الناس على ايه..اللي عايز يفضفض..يفضفض انا بحب اسمع الناس بجد
و بالنسبه للمدونه الهاديه..لأن الكل سكت علشان يسمعك
طولت عليكي بس انا بتوصى بأول زياره دايما
بحبكم
انا كمان بحب المطرة مش بحبها انا بعشقها
بس تقريبا من اول الشتا محضرتهاش غير مرتين والعيال ذالنى
ممكن اخش المدرج اعد خمس دقايق اول ما اطلع اعرف ان الدنيا كانت بتمطر و لسة مبطلة اول ما طلعت
و هكذا من اول الشتا
:(
انا كمان بحب المطر جداااااااا
واحلى حاجه تمشى فعلا فى نص الشارع والدنيا بتمطر قووووى وكمان يسلام لو تاكل ايش كريم شيكولاته بالبندق علشان تبقى بردااااااااان
انا اكتر حاجه بحبها المطر بجد بس يسلام لو تبقى الشوارع مش فيها طينه الواحد كان عمرة مايفوت المطر ولا مرة
Post a Comment